ՀԱԿ քաղաքապետի թեկնածու Վահագն Խաչատրյանն առաջին անգամ է, որ Ծիծեռնակաբերդ է բարձրանում եւ անարգել հասնում հուշակոթողին:
«Մարդկանց հոսքը անհամեմատ պակաս է քան նախորդ իմ հիշած բոլոր տարիներին: Սա նրա պատասխանն է, ինչ անում է երկրի իշխանությունը մեր քաղաքացիների նկատմամբ, որի արդյունքում ժողովուրդը գաղթում է»,- նկատեց պարոն Խաչատրյանը:
Նա չի կարծում, որ ցեղասպանության ճանաչման հարցը գնալով դժվարանում է. «Ընդհակառակը, աշխարհում տեղի ունեցող փոփոխություններով պայմանավորված, ոնց որ թե հիմա ավելի իրավիճակը հեշտանում է: Չեմ կարծում, որ դժվար իրականանալի է: Մնում է` Հայաստանն իր դիքորոշումը հստակ արտահայտի: Այս հարցը որեւէ ձեւով քննարկման ենթակա չէ : Այն, ինչ տեղի ունեցավ երեք տարի առաջ ֆուտբոլային դիվանագիտութան շրջանակներում, համաձայնության եկան, որ պատմաբանների քննարկման հարց է, դա է խոչընդոտում ու դանդաղեցնում ճանաչման գործընթացը»:
Նրա խոսքերով, Հայաստանն ամեն ինչ անելու է ցեղասպանության ճանաչման հասնելու համար, բայց. «Կարեւորը մեր երկրի քաղաքացին է, որ այստեղ չկա այս պահին: Այսպես թե այնպես ամեն ինչ անելու ենք, որ աշխարհը ճանաչի, գնում է, էդ տրամաբանությունը կա: Մեզ համար անքննելի հարց է… ցեղասպանությունը մեր մեջ է, ոնց էլ ուզենք, չենք ազատվի, որտեղ էլ լինենք` Ստամբուլում, առավել եւս Երեւանում: Բայց որ չկա Հայաստանում ապրող քաղաքացի, վտանգը սա է»:
Կարդացեք նաև
Մանրամասները` տեսանյութում
Արփինե ՍԻՄՈՆՅԱՆ
