Այսօր Շառլ Ազնավուրի հրապարակում հրավիրված հանրահավաքին, որի նախաձեռնողը «Առաքելություն» կուսակցությունն էր, կուսակցության անդամ, Երեւանի ավագանու թեկնածու Դավիթ Մուրադյանը իր ելույթում ասաց. «Վաղ թե ուշ ապրելու ենք մեր երազած մայրաքաղաքում: Երեք օր անց ընտրելու ենք Երեւանի ավագանուն, իսկ մենք հայտ ենք ներկայացրել մասնակից դառնալու քաղաքի կառավարմանը: Լավ օրից չէ՝ որ որոշել ենք զբաղվել քաղաքականությամբ, կան խնդիրներ, որոնք տարիներ շարունակ չեն լուծվում, իսկ անորոշությունը ստիպում է երիտասարդներին հեռանալ երկրից»:
Մուրադյանի խոսքով` «Առաքելությունը» ապագայի ուժն է. «Որպես գիտության ոլորտի մարդ ինձ անհանգստացնում է նաեւ գիտության վիճակը: Ժամանակն է կասեցնելու մշակույթի ու արվեստի ունայնությունը»,-հավելեց նա:
«Առաքելության» ավագանու ցուցակի երրորդ համար Հրաչ Սարգսյանն էլ ներկայացրեց իրենց անցած ուղին, ամփոփելով քարոզարշավի ընթացքում իրենց արածը:
Հավելենք նաեւ, որ հանրահավաքին իր երգերով հանդես եկավ նաեւ ՀՏ Հայկոն:
Կարդացեք նաև
Եվա ՀԱԿՈԲՅԱՆ
