ՀՀ ոստիկանության իրավաբանական վարչության պետ, ոստիկանության գնդապետ Թաթուլ Պետրոսյանը ԿԸՀ-ում հրավիրված ասուլիսում ներկայացրեց քվեարկության օրն արձանագրած խախտումների վերաբերյալ տեղեկատվություն:
Մինչ ժամը 21:00-ը ստացված խախտումների վերաբերյալ ահազանգերն, ըստ նրա եղել են ընտրողի կամքին հակառակ քվեարկելու դեպքերի, ընտրակաշառքի, կրկնակի քվեարկության վերաբերյալ եւ այլն:
«72 ահազանգ է եղել, որից 54-ը` թեժ գծի միջոցով, դրանցից 28-ը` ընտրակաշառք տալու-վերցնելու դեպք է եղել, 6-ը` ընտրողի կամքին հակառակ քվեարկելու, 5-ը` կրկնակի քվեարկության, 5 -ը` դիտորդի կամ լրագրողի աշխատանքը խոչընդոտելու եւ 27 -ը այլ դեպքերի առիթով: Ահազանգերի հիման վրա հարուցվել է երեք քրեական գործ: Ահազանգեր են եղել նաեւ ոստիկանության աշխատակիցների վերաբերյալ, ինչի հետ կապված նշանակվել է ծառայողական քննություն: Ինչպես նաեւ Զարուհի Փստանջյանի դիմումները եւս ստուգվում են»,-տեղեկացրեց Պետրոսյանը:
Եվա ՀԱԿՈԲՅԱՆ
Կարդացեք նաև
