Միացյալ Նահանգները շահագրգռված է Լեռնային Ղարաբաղի հակամարտության շուտափույթ կարգավորմամբ: Այդ մասին այսօր լրագրողների հետ զրույցում հայտարարել է Ադրբեջանում ԱՄՆ-ի դեսպան Ռիչարդ Մորնինգսթարը, փոխանցում է «Ազատություն» ռ/կ-ն:
«ԵԱՀԿ-ի Մինսկի խումբը շարունակում է իր գործունեությունը, ինչպես եւ նախկինում: Կարծում եմ, մենք ականատես կդառնանք նրա գործունեության աշխուժացման: ԱՄՆ-ի պետքարտուղարը շատ է հետաքրքրվում Լեռնային Ղարաբաղի շուրջ իրավիճակով», – 1news.az ինտերնետային պարբերականի փոխանցմամբ` ասել է Մորնինգսթարը եւ ղարաբաղյան հակամարտության շուտափույթ կարգավորման հույս է հայտնել:
