Չենք կարող չարձանագրել, որ օրեցօր ավելի ու ավելի են ամրապնդվում վարչապետ Տիգրան Սարգսյանի դիրքերը։ Շատերը փորձեցին նրան թուլացնել, տեղաշարժել, մի կողմ հրել՝ ապարդյուն։ Սերժ Սարգսյանը, փաստորեն, նրան լիովին վստահում է եւ չի պատրաստվում ոչ միայն փոխել, այլեւ նրա թիմի անդամներին ձեռք չի տալիս եւ նրան կրկին քարտ-բլանշ է տրամադրում՝ անորոշ ժամանակով պաշտոնավարելու համար։ Թե ինչով է Տիգրան Սարգսյանն այս վստահությանն արժանացել, եւ երկրի տնտեսության որ ցուցանիշներն են երկրի նախագահին այդքան համոզիչ թվում, մեզ՝ շարքային մահկանացուներիս հասանելի չէ։ Պարզապես չենք կարող կասկածներ չունենալ, որ Սերժ Սարգսյանը կտրված է հայկական իրականությունից, եւ դրանում փոքր չէ նաեւ իր՝ վարչապետի վաստակը։
Գայանե ՍԱՐԻԲԵԿՅԱՆ
«Հրապարակ»
