Ըստ վարչապետի, մարդիկ կան՝ ոտքով են գնում աշխատանքի, մարդիկ կան՝ ուղղաթիռով
Այսօր Aravot.am-ը վարչապետ Տիգրան Սարգսյանից հետաքրքրվեց՝ աշխարհի շատ երկրներ, երբ սոցիալական ծանր վիճակում են լինում, մենք տեսնում ենք, որ այդ երկրների կառավարության ղեկավարները փորձում են սեփական օրինակով տնտեսել որոշակի գումարներ՝ հեծանիվով են գնում աշխատանքի, Դուք ե՞րբ եք պատրաստվում հեծանիվով գնալ աշխատանքի: Վաչապետը պատասխանեց. «Համաշխարհային փորձը շատ բազմազան է: Մարդիկ կան ոտքով են գնում աշխատանքի, մարդիկ կան՝ հեծանիվով են գնում, ոմանք՝ ուղղաթիռներով, ոմանք նախընտրում են տրանսպորտի այլ միջոց: Թույլ տվեք, որ ես իմ փոխադրման ձեւերը ինքս որոշեմ»:
Հարցին՝ հնարավո՞ր է գազի սակագնի բարձրացումը սոցիալական բունտի հանգեցնի, եւ իշխանությունները մեղմ ասած չվայելեն այս 4-5 տարիներին՝ պատասխանեց. «Դուք պետք է վայելեք: Ժողովուրդը պետք է վայելի այս 4-5 տարիները, իսկ իշխանությունները զբաղված են քրտնաջան, նվիրական աշխատանքով: Եթե իշխանությունների մեջ կան մարդիկ, որոնք այդպիսին չեն, նրանցից պետք է ձերբազատվենք ձեր օգնությամբ»:
Հարցին՝ ինչպե՞ս է, որ արտագաղթողները շատանում են, ուտող բերանները պակասում են, բայց երկրի վիճակը չի լավանում՝ վարչապետը այդ հարցը ոչ կոռեկտ համարեց:
Կարդացեք նաև
Հռիփսիմե ՋԵԲԵՋՅԱՆ
