Համազգային հայ կրթական եւ մշակութային միության առաջին անգամ հայտարարված Մինաս եւ Գոհար Թոլոլյանի մրցանակին է արժանացել Քրիստոֆեր Ադամյանը՝ ժամանակակից գրականության ոլորտում: Հայտնում է «Արմենիան ռիփորթեր» պարբերականը:
Ադամյանին մրցանակը տրվել է Նիկողոս Սարաֆյանի «Վենսենի անտառը» գործի թարգմանության համար:
Գրող, թարգմանիչ եւ ռեժիսոր Ադամյանը «Օբի» մրցանակի արժանացած «Անախորժություններ դրախտում» ֆիլմի պրոդյուսերն է: Նրա կարճամետրաժ ֆիլմերն ու տեսանյութերը ցուցադրվել են ամբողջ աշխարհում ու նրա աշխատանքները պարբերաբար հրապարակվում են «Հաֆինգթոն փոստ», «Նյու Յորք թայմս» թերթերում, ինչպես նաեւ մի քանի տարի եղել է արդեն գոյություն չունեցող «Նյու Յորք փրես» թերթի պարային քննադատը:
Ադամյանը վեց գիրք է թարգմանել ֆրանսերենից արեւմտահայերեն, այդ թվում՝ Նիկողոս Սարաֆյանի «Վենսենի անտառը»:
«Թոլոլյան» մրցանակի նպատակն է հայկական թեմաներով գրելու ցանկացողներին քաջալերելը: Մրցանակը հանձնվել է «Համազգային»-ի ամենամյա համահայկական հավաքի ժամանակ, մայիսի 4-ին, Բոսթոնում:
Պատրաստեց Հովհաննես ԻՇԽԱՆՅԱՆԸ
