Օգոստոսի 1-ի դրությամբ «ՀայՌուսգազարդ» ՓԲԸ կողմից իրականացվել է 61 հազար հատ կենցաղային եւ 169 հատ արդյունաբերական գազահաշվիչների ստուգաչափում:
Ընկերությունից տեղեկացանք, որ բնական գազի կենցաղային թվով 2287 հատ հաշվիչների վերաբերյալ «Չափագիտության Ազգային Ինստիտուտ» ՓԲԸ կողմից տրվել է «Առեւտրային հաշվառքի սարքի խախտում» եզրակացություն «Արտաքին միջամտություն» որակմամբ: 2013թ.-ի ընթացքում ընդհանուր առմամբ նախատեսվում է իրականացնել 130 հազար գազահաշվիչների պետստուգաչափում:
Կենցաղային գազահաշվիչներ պլանային ստուգաչափման հետ կապված բոլոր ծախսերը կատարում է «ՀայՌուսգազարդը»:
Գազահաշվիչները կարող են ենթարկվել նաեւ արտապլանային ստուգաչափման, եթե մատակարարի եւ բաժանորդի մոտ առաջանում է կասկածներ հաշվիչի աշխատանքի վերաբերյալ:
