- Ինչու՞ են հիմնականում աղջիկները մտածում դիետաների մասին: Ինչու՞ են նրանք հագնվելիս իրենց ուշադիր զննում հայելու առաջ:
- Ինչու՞ են աղջիկները 2 ժամից ավել հարդարվում, եթե նույնը կարող են անել երեսուն րոպեի ընթացքում:
- Ինչու՞ են աղջիկները կարճ կիսաշրջազգեստներ հագնում և բարձրակրունկներ կրում, եթե դրանցով չեն կարողանում ազատ տեղաշարժվել:
- Շատ աղջիկներ շրթներկը տարածում են շրթունքներից վեր՝ մինչը քիթը ընկած հատվածը: Ո՞րն է իմաստը:
- Ինչի՞ մասին են մտածում գեղեցիկ սեռի ներկայացուցիչները քնելուց առաջ կամ լողանալիս:
- Ինչու՞ են շատ աղջիկներ ամաչում կարճ զգեստներից, եթե լողափին հագնում են ամենասեքսուալ լողազգեստները:
«Առավոտ երիտասարդականն» այսօր «ուսումնասիրություն» է անցկացրել տղաների շրջանում: Հարցն հետևյալն է. «Ի՞նչ չգիտեն տղաներն աղջիկների մասին, որ կուզենային իմանալ»: Տղաների մեծամասնությունը կեսկատակ-կեսլուրջ հղեց վերը նշված հարցերը: Եղան նաև այլ հարցեր: «Չեմ հասկանում՝ ինչու՞ են աղջիկները նեղանալիս անջատում հեռախոսը, եթե 10 րոպե հետո պիտի գրեն, որ իրենք նեղացած են և 15 րոպե հետո զանգեն, ասեն, որ իրենք ավելի շատ են նեղացած տղայի անտարբերությունից»,-հարցնում է 22-ամյա Գրիգորը: Իսկ 17-ամյա Էդգարը զարմանում է ՝ ինչպե՞ս է ստացվում, որ աղջիկները միշտ գումար են ունենում իրենց մոտ, իսկ տղաները հաճախ պարտքեր են կուտակում. «Աղջիկներն ավելի առատաձեռն են, ավելի շատ են գումար ծախսում, բայց նրանց մոտ գումարը չի վերջանում: Ինձ միշտ հետաքրքրել է այդ հարցը: Աղջիկնե՛ր, որտեղի՞ց եք գումար գտնում, Ձեր հա՞յրն է տալիս՝ վստահելով, որ գումարը ծխախոտի վրա չեք մատնի, թե՞ փեսացուն»,-հարցնում է նա:
Ռուսական կայքերից մեկն էլ ՝ headline.kz-ն, տալիս է տղաներին հետաքրքրող որոշ հարցերի պատասխանները.
Աղջիկների 90% իր մարմինը իդեալական չի համարում: Նրանք երբեմն ավելի նեղ տաբատներ են կրում նիհարելու ակնկալիքով:
Երբեք չեք հանդիպի մի աղջկա, ով մյուսին նախանձի իրենից ավել խելացի լինելու համար: Մրցակցությունը սովորաբար ընթանում է արտաքին գեղեցկության շուրջ:
Կարդացեք նաև
Եթե նույնիսկ աղջիկը չի շպարվում, միևնույն է, Դուք նրա պայուսակում կհայտնաբերեք կոսմետիկա:
Յուրաքանչուր աղջիկ ցավ է ապրում, երբ բաժանվում է իր ընկերոջից, անգամ եթե նա նրան չէր սիրում:
Նազենի Բաղդասարյան
