Այս օրերին ծանրամարտի Հայաստանի տղամարդկանց ազգային հավաքականը Աբովյանում նախապատրաստվում է հոկտեմբերի 16-ին Լեհաստանի Վրոցլավ քաղաքում մեկնարկող աշխարհի առաջնությանը:
Հավաքականի գլխավոր մարզիչ Պողոս Պողոսյանի ղեկավարությամբ մարզվում են վեց ծանրորդներ: Սակայն գլխավոր մարզիչն առայժմ չի շտապում հայտարարել, թե ովքե՞ր են մեկնելու: Նրա խոսքերով, ամեն ինչ հայտնի կդառնա առաջիկա օրերին` հավաքի ավարտից հետո: Այդուհանդերձ, Aravot.am-ի տեղեկություններով, մեր ընտրանին այս անգամ մրցավայր կմեկնի միայն տղաների, այն էլ` թերի կազմով: Աշխարհի այս առաջնությանը ամենայն հավանականությամբ չեն մասնակցի Տիգրան Մարտիրոսյանը, Առաքել Միրզոյանը ու էլի մի քանի առաջատար ծանրորդներ: Բանն այն է, որ 2016 թվականի օլիմպիական խաղերի ուղեգրերի համար վարկանիշային միավորները հաշվարկվելու են սկսած հաջորդ տարվա աշխարհի առաջնությունից ու նրանք ցանկանում են պայքարն սկսել այնտեղ:
Ռիո դե Ժանեյրոյի օլիմպիական խաղերում հնարավորին չափ շատ մասնակիցներ ունենալու եւ հաջող մասնակցելու հեռանկարով, նպատակահարմար է գտնվել նաեւ, որպեսզի ծանրամարտի Հայաստանի կանանց ազգային հավաքականը չմասնակցի այս տարվա աշխարհի առաջնությանը:
Աշոտ ՀԱԿՈԲՅԱՆ
Կարդացեք նաև
