Դիարբեքիրի քաղաքապետ Աբդուլլահ Դեմիրբաշը հոկտեմբերի 10-ին ծաղիկներ է դրել Հայոց ցեղասպանության զոհերի հուշարձանի մոտ: Հայտնում է «Արմենիան Ուիքլի» թերթը:
«Մենք խոնարհվում ենք բոլոր մահացածների առջև», – հուշարձանի մոտ ասել է Դեմիրբաշը՝ նշելով, որ քրդերն իրենց դերակատարությունն ունեին 1915թ. կոտորածներում:
Դեմիրբաշը կարևորել է անցյալի հետ առերեսվելը՝ Թուրքիային կոչ անելով ներողություն խնդրել ու փոխհատուցել կատարած հանցանքների համար. «Ներողություն խնդրելը հասունության նշան է», – եզրափակել է նա:
Քաղաքապետին ուղեկցում էին ԱՄՆ Նյու Ինգլենդ շրջանի հայ և քուրդ համայնքի անդամները:
Կարդացեք նաև
Անցած ամիս հուշարձանի բացման արարողության ժամանակ Դեմիրբաշը քրդերի անունից ներողություն էր խնդրել հայերից և ասորիներից «կոտորածների և տեղահանումների» համար:
Պատրաստեց Հովհաննես ԻՇԽԱՆՅԱՆԸ
Լուսանկարը՝ Armenianweekly-ի
