Այսօր Եվրասիական տնտեսական հանձնաժողովի եւ Հայաստանի Հանրապետության միջեւ ստորագրվեց հուշագիր` փոխհարաբերությունները խորացնելու համար:
«Այս հուշագիրը հաստատում է Հայաստանի բոլոր կառույցների ներգրավումը Մաքսային միության գործունեության մեջ` սկսած բարձրագույն Եվրասիական տնտեսական խորհրդից, վերջացրած՝ Եվրասիական տնտեսական հանձնաժողովի կոլեգիայից»,- հուշագրի ստորագրումից հետո լրագրողների հետ հանդիպման ժամանակ ասաց Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոն:
Հուշագրով, ինչպես ասաց պարոն Խրիստենկոն, Հայաստանի համար հասանելի կլինեն տեղեկատվություններն ու Հայաստանը պաշտոնապես կարող է հայտարարություններ կատարել Մաքսային միության որոշումների վերաբերյալ:
Մանրամասն` տեսանյութում
Կարդացեք նաև
ՀՀ վարչապետ Տիգրան Սարգսյանն էլ նշեց, որ նախագահների որոշմամբ, այսօր ստորագրված հուշագիրը թույլ է տալիս փոխանակվել տեղեկատվություններով, եւ ընդհանուր առմամբ, այսօր քննարկված հարցերի շուրջ տարաձայնություններ չեն եղել: Ի դեպ, Հայաստանի վարչապետը դարձյալ խոսում էր ռուսերեն՝ խախտելով «Լեզվի մասին» օրենքը:
Մանրամասն` տեսանյութում
Նելլի ԲԱԲԱՅԱՆ
