Նոյեմբերի 15-ի առավոտյան Բերդի տարածաշրջանի Պառավաքար գյուղի բնակիչները ինքնակամ բացել են հանրապետական նշանակության Բերդ-Իջեւան ճանապարհի Պառավաքար-Վազաշեն հատվածը:
Նշենք, որ ճանապարհը փակվել էր այդ հատվածում հոկտեմբերի 22-ին ադրբեջանական ոտնձգության հետեւանքով ժամկետային զինծառայողի զոհվելու, 3 զինծառայողի վիրավորվելու հետեւանքով:
Պառավաքարի բնակիչները մեզ հայտնեցին, որ ճանապարհը բացվելուց հետո Տավուշի մարզպետ Արմեն Ղուլարյանը, ՀՀ պաշտպանության նախարարության 3-րդ բանակային կորպուսի հրամանատար Օնիկ Գասպարյանը, ոստիկանության Տավուշի մարզային վարչության պետ Արշավիր Գեւորգյանը այցելել են Վազաշեն եւ Պառավաքար , զրուցել բնակիչների հետ: Սահմանագոտու բնակիչներին խորհուրդ է տվել սահմանամերձ, վտանգավոր հատվածում ավելի արագ երթեւեկել, որպեսզի ավտոմեքենաները ադրբեջանական զինուժի համար խոցելի թիրախ չհանդիսանան:
Պառավաքարցիները ճանապարհը բացել են, քանի որ այլընտրանքային Իջեւան-Գանձաքար-Իծաքար-Նավուր –Բերդ ճանապարհը շատ վատթար վիճակում է, ավտոմեքենաները Բերդի տարածաշրջանից Տավուշի մարզկենտրոն են հասնում մեծ դժվարությամբ: Բերդի տարածաշրջանի բնակիչները ասում են, որ լեռնային այդ ճանապարհով ձմռանը շատ դժվար կլինի երթեւեկել: Ներկայումս Պառավաքար-Վազաշեն հատվածը երթեւեկության համար բաց է:
Կարդացեք նաև
Ոսկան ՍԱՐԳՍՅԱՆ
Հարգելի լրագրող Ձեզ չի թվում, որ հերթական անգամ ժողովուրդն ապացուցեց, որ տերն է լինելու իր Հայրենիքի յուրաքանչյուր մետրին և ավելի հեռատես գտնվեց: Երբ է Տասվուշի ,,գնդապետ,, մարզպետը հասկանալու, որ սահմանամերձ գոտիներով անցնող ճանապարհի ամեն մի հատվածի վրա հակառակորդի կողմից կրակ բացելուց հետո մենք չենք կարող հետ քաշվել և ի ցույց հակառակորդի զիջել մեր տարածքը: Տավուշի մարզպետն ու այլոք ինչ են ուզում հասկացնել այն գյուղերի՝ Կոթի, Բերքաբեր Չինարի …, բնակիչներին, ում տներն ամենօրյա կրակի տակ են: