Կարմիր Խաչի միջազգային կոմիտեն ափսոսանք է հայտնում, որ չկարողացավ իրականացնել Վազաշեն-Պառավաքար հատվածում երթեւեկության անվտանգության ժամանակավոր ապահովման իր նախաձեռնությունը: Այս մասին մեզ հայտնեց Կարմիր խաչի միջազգային կոմիտեի հաղորդակցության ծրագրերի ղեկավար Զառա Ամատունին: Նա ասաց, որ Կարմիր Խաչի միջազգային կոմիտեի չեզոք միջնորդությամբ նախատեսվում էր Կարմիր խաչի ներկայությամբ սահմանի այդ վտանգավոր հատվածում որոշակի ժամերի իրականացնել քաղաքացիական բնակչության անվտանգ երթեւեկ: Այդ նպատակով Կարմիր Խաչը դիմել է Հայաստանի եւ Ադրբեջանի կառավարություններին, սակայն համաձայնությունը չի կայացել:
Զառա Ամատունին ասաց, որ Կարմիր Խաչը բազմիցս առաջարկել է Ադրբեջանի եւ Հայաստանի սահմանամերձ գյուղերում, ցանքի եւ բերքահավաքի աշխատանքների ժամանակ ապահովել իրենց ներկայությունը: Զ. Ամատունին ճիշտ չհամարեց մամուլի հրապարակումներում տեղ գտած այն համեմատությունը, որ հայկական կողմի թույլտվությամբ ադրբեջանական Ալիբեյլի գյուղում իրականացվում են քաղաքացիական աշխատանքներ, իսկ ադրբեջանական կողմը չի ապահովում Վազաշեն-Պառավաքար հատվածում երթեւեկի անվտանգությունը: Նրա խոսքերով՝ Կարմիր խաչը Հայաստանի եւ Ադրբեջանի սահմանամերձ գյուղերում իրականացնում է ենթակառուցվածքների բարելավման տարբեր ծրագրեր, որոնց ժամանակ պայմանավորվածություն է ձեռք բերվում այդ աշխատանքների անվտանգությունը սահմանի մյուս կողմից չխաթարելու վերաբերյալ:
Զ. Ամատունու խոսքերով՝ օրինակ ներկայումս Իջեւանի սահմանամերձ Բերքաբեր գյուղում ջրագծի շինարարություն է կատարվում: Կարմիր խաչի միջազգային կոմիտեն սահմանամերձ գյուղերում տարաբնույթ մարդասիրական ծրագրեր է իրականացնում, նաեւ սահմանագոտում անվտանգության ապահովման համար լրացուցիչ հնարավորություններ որոնում:
Կարդացեք նաև
Ոսկան ՍԱՐԳՍՅԱՆ
Շնորհակալ ենք Զառա Ամատունուց և Կարմիր Խաչի միջազգային կոմիտեից նախաձեռնության համար, սակայն այս իրավիճակում կա ևս մեկ կարևոր հանգամանք, որը անտեսվել է: Մասնավորապես այն, որ Տավուշի մարզպետ Արմեն Ղուլարյանն ադրբեջանական կողմի հետ միասին չի ցանկանում, որպեսզի Վազաշեն-Պառավաքար ճանապարհահատվածն աշխատի: Այնպես որ, Կարմիր Խաչը, որպես հակառակորդ կողմ, պետք է դիտարկեր նաև Տավուշի մարզպետին, ով ոչ միայն թուրքի հետ միասին բարենպաստ պայմաններ է ստեղծում Բերդի տարածաշրջանի ժողովրդի արտահոսքն ապահովելու համար, այլև փոշիացնում է պետական բյուջեից ստացված գումարները: Ընդ որում Բերդի տարածաշրջանի ժողովրդին պառակտելու նպատակով այդ գումարների փոշիացման գործընթացին, բացի իր խնամուց, ներգրավել է նաև Բերդի ճանշիձեռնարկությանը /իսկը որ թուրքի վարքագիծ/:
Ինչպես որ Կարմիր խաչը չկարողացավ վերադարձնել Ադրբեջանում գերի ընկած մեր հայ զինվորին:
Հետևությունները խոսուն են…