Արզամասում սպանված Ալեքսանդր Սլակաևի ընկերը՝ Իգոր Կարպովը, որը ծեծկռտուքի ժամանակ վիրավորվել էր, «Ռոսիսկայա Գազետա»-ին հիվանդանոցում պատմել է, թե ինչպես է ծագել վեճը, որը ենթադրվում է եղել է հայերի հետ:
«Առաջին անգամ էինք գնացել այդ սրճարան: Ամեն ինչ սկսվեց նրանից, որ ես ինչ-որ բան ասացի սրճարանի խոհարարի հասցեին, իսկ նա բռունցքները թափահարեց: Հետո վերադարձավ մի քանի հոգու հետ: Ասում են երեք հոգու ձերբակալել են, սակայն իմ տպավորությամբ մեզ վրա մոտ 7-8 հոգի է հարձակվել: Սաշան (Սլակաևի) բռնցքամարտիկ էր ու հանգիստ կարող էր չորս հոգու դեմ կռվել, իսկ մեզ վրա ավելի շատ մարդ էր հարձակվել», -պատմել է Կարպովը:
Դեկտեմբերի 6-ի գիշերը լույս 7-ի առավոտը «Օչագ» սրճարանում 26-ամյա Սլակաևի դանակահարությամբ սպանությունից հետո, Արզամասի բնակիչները դուրս էին եկել բողոքի ցույցի, ինչը վերածվել էր անկարգությունների: Բողոքարարները ավերել էին քաղաքի խանութները, որոնք պատկանում էին ներգաղթյալներին, ինչպես նաև մի քոթեջ, որտեղ հայեր էին ապրում: Դեկտեմբերի 11-ին մոտ 70 հոգի բերման էր ենթարկվել:
Սպանության կասկածանքով ձերբակալվել է երեք հոգի, որոնք մասամբ ընդունել են իրենց մեղքը: Նրանց նկատմամբ քրեական գործ է հարուցվել: Ոստիկանությունը ձերբակալված անձանց մասին այլ մանրամասներ չի հաղորդում:
Կարդացեք նաև
Բնակիչները նախատեսում են հաջորդ ցույցն անցկացնել դեկտեմբերի 14-ին:
Պատրաստեց Հովհաննես ԻՇԽԱՆՅԱՆԸ
Ձեր գրածից թվում է,թե Սալակաևը կին է: Պետք է գրել ոչ թե Սալակաևայի,այլ Սալակաևի:
Շնորհակալություն: Սխալն արդեն ճշտկված է: