Եվրամիության արտաքին և անվտանգության հարցերով հանձնակատար Քեթրին Էշթոնը հինգշաբթի օրը հանդես է եկել հայտարարությամբ, որի համաձայն Ուկրաինայի նախագահ Վիկտոր Յանուկովիչը «նախատեսում է ստորագրել» Եվրամիության հետ առևտրի և համագործակցության մասին համաձայնագիրը, որի ստորագրումը նա մերժել էր անցյալ ամիս:
Այս հայտարարությամբ ԵՄ-ի հանձնակատարը հանդես է եկել Բրյուսելում Ուկրաինայի նախագահի հետ անցկացված բանակցություններից հետո:
Հանձնակատար Էշթոնի համաձայն, «ակնհայտ է», որ կարճաժամկետ տնտեսական և ֆինանսական այն խնդիրները, որոնց դեմ առ դեմ կանգնած է այժմ Ուկրաինան, հնարավոր է լուծել ԵՄ-ի հետ Ասոցացման համաձայնագիրը ստորագրելով, քանի որ դրա արդյունքում Եվրամիության կողմից նոր ներդրումներ կկատարվեն Ուկրաինայում:
Եվրամիության հետ ինտեգրմանը կողմ հանդես եկող Ուկրաինայի ընդդիմությունն այս ընթացքում շարունակում է բողոքի ցույցերը:
Կարդացեք նաև
Մանրամասները կարդացեք՝ amerikayidzayn.com կայքում
