Եվրոպական խորհրդարանի նախագահ Մարտին Շուլցը կարծում է, որ այլևս պետք չէ սպասել, որ Ուկրաինայի նախագահ Վիկտոր Յանուկովիչը Եվրաինտեգրման ճանապարհը կբռնի: Հայտնում է ուկրաինական «Ինտերֆակս»-ը:
Այսօր Բրյուսելում կայացած ԵՄ գագաթնաժողովի շրջանակներում տեղի ունեցած մամուլի ասուլիսի ժամանակ պատասխանելով հարցին, թե ինչպես հասկանալ Շուլցի հաղորդագրությունը, որ Ուկրաինայի համար «ԵՄ դռները շարունակում են բաց մնալ», նա ասել է. «Ուկրաինայի ընդդիմությունը ԵՄ-ից սպասում է հենց այն, ինչ ես ասել եմ գագաթնաժողովում՝ դուռը պետք է բաց լինի»:
Շուլցը բացառել է, որ Ուկրաինայի հետ բանակցությունները կարող են դադարել. «Եթե դադարենք խոսել իշխանությունների հետ, դա կարող է խզել Ուկրաինայի հետ կապերը, և, ի վերջո, հրաժարվել ԵՄ-ի հետ Ուկրաինայի մերձեցման գաղափարից: Մայդանում հավաքված ընդդիմությունը սպասում է, որ դեպի Եվրոպա կգնա երկիրը: Յանուկովիչից չենք կարող դա ակնկալել», – ասել է նա՝ նշելով, որ եթե ԵՄ-ն «բաց դռներ»-ի ազդանշաններ չուղարկի, դա կարող է «հիասթափեցնել մարդկանց, որոնք Յանուկովիչի դեմ են դուրս եկել»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
