Եթե Ադրբեջանը հարաբերությունները սրի Մոսկվայի հետ, ինչպես Ուկրաինան արեց՝ ցանկանալով ԵՄ-ի հետ ստորագրել ասոցացման պայմանագիրը, ապա ռուս-ադրբեջանական հակամարտությունն անխուսափելի կլինի, «Վեստի.ազ» լրատվականին հայտնել է Մինսկում Եվրոինտեգրման հարցերի կենտրոնի տնօրեն Յուրի Շևցովը՝ միաժամանակ նշելով, որ Ադրբեջանը նման որևէ քայլի չի դիմում:
Խոսելով ՄՄ-ին Ադրբեջանի անդամակցելու հեռանկարների մասին՝ փորձագետը նշել է, որ պետք է հասկանալ՝ Մաքսային միությունը ենթադրում է ուժեղ ազգային պետության ստեղծում:
«Ազգային պետությունների վերափոխումը վերազգային կառույցների, ինչպես տեղի է ունենում Եվրոմիությունում, Մաքսային միությունում տեղի չի ունենալու: Այդ իսկ պատճառով ՄՄ-ի միանալը կարող է լինել միայն ազգի ներքին ընտրության դեպքում: ՄՄ-ն ԽՍՀՄ չէ: Դրա զարգացման մեխանիզմների հիմքում ընկած է ներքին մրցակցությունը, ոչ թե «առաքելական» գաղափարական նպատակները», – ասել է Շևցովը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
