ԱՄՆ-ի պաշտպանության նախարար Չաք Հեյգելը հեռախոսազրույց է ունեցել Ռուսաստանի իր գործընկեր Սերգեյ Շոյգուի հետ՝ Ռուսաստանում վերջերս տեղի ունեցած իրադարձությունները քննարկելու նպատակով: Երկու պետությունների ռազմական գերատեսչությունների ղեկավարները խոսել են նաև ահաբեկչական հարձակումների նկատմամբ զգոն մնալու անհրաժեշտության, ինչպես նաև ԱՄՆ-ի և Ռուսաստանի միջև հակաահաբեկչական ոլորտում համագործակցության խորացման անհրաժեշտության մասին:
Հեռախոսազրույցում, ըստ ԱՄՆ-ի պաշտպանության նախարարության մամուլի ծառայության հաղորդագրության, պաշտպանության նախարար Հեյգելը ցավակցություն է հայտնել Ռուսաստանի իր գործընկերոջը Վոլգոգրադում տեղի ունեցած ահաբեկչական հարձակումների կապակցությամբ և դատապարտել է այս հարձակումները՝ նշելով, որ Միացյալ Նահանգները Ռուսաստանի ժողովրդի կողքին է կանգնած՝ ահաբեկչության դեմ ուղղված պայքարում:
ԱՄՆ-ի պաշտպանության նախարար Հեյգելը հավաստիացրել է Ռուսաստանի պաշտպանության նախարարին այն մասին, որ Միացյալ Նահանգները պատրաստ է, անհրաժեշտության դեպքում, անվտանգության ոլորտի օժանդակություն տրամադրել Ռուսաստանին:
Կարդացեք նաև
Մանրամասները կարդացեք՝ «Ամերիկայի ձայն» ռ/կ-ի կայքում:
