«Հերթական անգամ իշխանությունը գործադրում է ապօրինի քայլեր, դիմում է բռնության և ապօրինության գագաթնակետն այն է, որ փաստաբանն այս պահին չի կարողանում մտնել ներս, որ իրավական օգնություն ցուցաբերի երիտասարդներին»,-Aravot.am-ին Ոստիկանության կենտրոնի բաժանմունքից հայտնեց ՀԱԿ Արտաքին հարաբերությունների հանձնաժողովի նախագահ Վլադիմիր Կարապետյանը:
Ինչպես արդեն տեղեկացրել ենք, ոստիկանները մարտի մեկի հանրահավաքի իրազեկման թռուցիկներ բաժանելիս Մաշտոցի պողոտայից բերման են ենթարկել ՀԱԿ ակտիվիստներ Հայկ Պետրոսյանին, Արեգ, Սարգիս, Անի Գեւորգյաններին, Սերգեյ Գասպարյանին, Դավիթ Վարդանյանին:
Կարդացեք նաև
Կատարվածի առիթով պարոն Կարապետյանն ասաց հետևյալը. «Ակնհայտ սադրանք է տեղի ունեցել և համաձայն տեսանյութերի՝ քաղաքացիական հագուստով մարդիկ փորձել են խոչընդոտել հանրահավաքի իրազեկումը, իսկ ոստիկանությունը նրանց ձերբակալելու փոխարեն հանրահավաքի մասին իրազեկող խմբին է ձերբակալել, բռնի ուժ գործադրել լրագրողների դեմ:Իսկ ապօրինության գագաթնակետն այն է, որ փաստաբանին՝ Վահե Հովսեփյանին, ով այս պահին գտնվում է ոստիկանության շենքի մոտ, թույլ չեն տալիս, որ ներս մտնի ու օգնություն ցուցաբերի: Ոստիկանները՝ ապօրինաբար վերցրել են նաև բերման ենթարկված երիտասարդների հեռախոսները»:
Լուսանկարները եւ տեսանյութը՝ Zham.am-ի
Տաթև ՀԱՐՈՒԹՅՈՒՆՅԱՆ
Ի՞նչ անհայտ անձինք: Դրանց մի մասը գյուղակադեմիայի (գյուղի ինստիտուտի) դասախոսներ են, մասնավորապես, նիհար, բոյով անձը աշխատում է Տնտեսագիտական ֆակուլտետի դեկանի տեղակալ, իսկ էն կոլոտ, հաստ շուրթերով գնդլիկը նույն համալսարանի դասախոս է: Երկուսն էլ եղել են գյուղակադեմիայի ուսխորհրդի ղեկավարներ և ՀՀԿ երիտթևի անդամներ: Ներկայիս գյուղատնտեսության փոխնախարար Ռոբերտի ընկերներն են: