ԲՀԿ խմբակցության քարտուղար Նաիրա Զոհրաբյանն այսօր խորհրդարանական ամբիոնից իր զարմանքն արտահայտեց, որ գազի հարցով հանձնաժողով ստեղծելու քննարկումները զարգացան`հավատո՞ւմ են քաղաքական մեծամասնության, կառավարության բարի մտադրություններին, թե`ոչ։
«Ինձ չի հետաքրքրում, թե նրանք ինչ դրդապատճառներից են որոշել հանդես գալ նման նախաձեռնությամբ։ Պետք չէ սոցիոլոգիական հարցում անցկացնել, հասկանալու, որ ձեր նպատակն այդ հարցերի պատասխանները ստանալը չէ։ Եթե դուք այդ նպատակն ունենայիք, ապա կողմ չէիք քվեարկի Հայաստանըւ գազային ընկերության ֆան կլուբը և դուստր ձեռնարկությունը դարձնելուն»,- մեծամասնությանը դիմելով՝ ասաց ԲՀԿ-ական պատգամավորը։
Դառնալով ընդդիմադիր գործընկերներին`հավելեց, որ ընդդիմությանը պետք է հետաքրքրեր «մեր նպատակները և մեր հարցերի պատասխաները ստանալը»։ ԲՀԿ-ական պատգամավորի կարծիքով, էլ եթե կարողանան այդ խնդիրները լուծել, շատ լավ, բայց եթե չի ստացվի, ապա որևէ մեկը կաշկանդված չէ իր ներկայացուցչին հետ կանչել այդ հանձնաժողովից։
ԲՀԿ խմբակցության քարտուղարը հիշեցրեց, որ իրենց խմբակցության համար սկզբունքային է ժամկետի հարցը`ոչ թե մինչև նոյեմբեր, այլ մինչև գարնանային նստաշրջանի ավարտը հանձնաժողովը ներկայացնի իր եզրակացությունը: «Մինչև նոյեմբերն ընդամենը կրքերը լռեցնելուն էր միտված»,- համոզված է նա։
Նելլի ԳՐԻԳՈՐՅԱՆ
