Այսօր արդարադատության նախարար Հրայր Թովմասյանից լրագրողները հետաքրքրվեցին, թե էլ ի՞նչ է հարկավոր, որպեսզի կառավարությունը հրաժարական տա, հատկապես որ մի շարք գործընթացներ ձախողեցին, «Կուտակային կենսաթոշակների մասին» օրենքի դրույթներն էլ հակասահմանադրական ճանաչվեց:
Այս առնչությամբ պարոն Թովմասյանն ասաց. «Մեծ ցանկություն կա մի փոքր այլ տոնայնության շեշտադրումներով պատասխանել, բայց կփորձեմ զուտ սահմանադրական իրավունքի շրջանակներում մնալ: Դրանք քաղաքական պրոցեսներ են. կա՞ քաղաքական մեծամասնություն, որը կարող է անվստահություն հայտնել, խնդրեմ, պատրաստ ենք լսել: Եթե ձեր տրամաբանությամբ շարունակենք, ապա 2006 թվականից հետո Հայաստանի Հանրապետության 60 կառավարություններ պետք է հրաժարական տված լինեին, որովհետեւ այն ակտերը, որոնք ՍԴ-ի կողմից ճանաչվել են հակասահմանադրական, ոչ պակաս կարեւոր էին: Դրանք վերաբերել են եւ «Քրեական օրենսգրքին», եւ քաղաքացիական, եւ դատական օրենսգրքին, եւ սեփականության եւ տասնյակ այլ դրույթներին, որոնք ճանաչվել են հակասահմանադրական: Եթե ձեր ասած տրամաբանությունը լիներ, ապա Սահմանադրությունը կսահմաներ` եթե Սահմանադրական դատարանը կառավարության կամ ԱԺ-ի կողմից ընդունված որոշումը կամ օրենքը համարում է հակասահմանադրական, ապա կառավարությունը հրաժարական է տալու»:
Պարոն նախարարը նաեւ վստահեցրեց, որ կուտակային վճարումները վերադարձման ենթակա չեն: Այս մասին մանրամասները` տեսանյութում
Նելլի ԲԱԲԱՅԱՆ
Հազիվ պոկել են այդ կուտակային վճարները այս խեղճ ժողովրդից, այն էլ հարկայինի կողմից սպառնալիքներով, էլ ինչ վերադարձնելու մասին է խոսքը: