Այս պահին ԱԺ –ում ընթանում են միջազգային խորհրդարանական լսումներ «Ազգային խորհրդարանի դերը մարդու իրավունքների պաշտպանության եւ խթանման գործընթացում»: Կազմակերպիչը Հայաստանում ԵՄ խորհրդատվական խումբն է:
Գլխադասային հանձնաժողովը՝ ԱԺ Մարդու իրավունքների պաշտպանության հանձնաժողովը: Զավեշտալի է, որ լսումներին միայն երկու-երեք պատգամավոր է մասնակցում՝ հանձնաժողովի նախագահ ԲՀԿ-ական Էլինար Վարդանյանն ի պաշտոնե եւ ՀՀԿ-ական պատգամավոր Մարգարիտ Եսայանն ու «Ժառանգության» պատգամավոր Ալեքսանդր Արզումանյանը:
Զեկուցողները խորհուրդներ են տալիս պատգամավորներին, իսկ դահլիճում միայն հ/կ-ների ներկայացուցիչներ են եւ փորձագետներ:
ԱԺ Մարդու իրավունքների պաշտպանության տասնմեկ հոգանոց հանձնաժողովից, փաստորեն, որեւէ այլ պատգամավորի չեն հետաքրքրել այս լսումները, էլ չասենք, որ 131 հոգանոց խորհրդարանից: Հավանաբար, գլխադասային հանձնաժողովի նախագահը պետք է ապահովեր պատգամավորների ներկայությունը, գոնե իր տասնմեկ հոգիանոց հանձնաժողովի:
Կարդացեք նաև
Նելլի ԳՐԻԳՈՐՅԱՆ
