Մայիսի 12-ին ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Կենտրոնականի բաժին են հրավիրել 1973 թ. ծնված Արման Հ.-ին: Նա հայտնել է, որ նախորդ օրը երեկոյան իր ծանոթը հյուրընկալվելով իր բնակարանում` գողացել է բջջային հեռախոս, դրամապանակ, որի մեջ եղել է մոտ 40.000 դրամ, և տարբեր բանկային քարտեր` պատճառելով մոտ 400.000 դրամի նյութական վնաս:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ տուժողի ծանոթը 1988 թ. ծնված Արման Մ.-ն է:
Ձեռնարկվում են միջոցառումներ նրան հայտնաբերելու ուղղությամբ:
Կատարվում է հետաքննություն:
ՀՀ ոստիկանություն
