Արտուշ Հակոբյանի, Դավիթ Գալստյանի, Արթուր Մանուկյանի եւ Սամվել Դավթյանի դեմ հարուցված քրեական գործով հետազոտվեց «պարագլխի» ավտոմեքենայի խուզարկության արձանագրությունը: Այդ կապակցությամբ հանդես եկավ Արտուշ Հակոբյանի պաշտպան Հովիկ Արսենյանը, որը հայտարարեց, որ 2011թ. սեպտեմբերի 24-ին Արտուշը գտնվել է ռեստորաններից մեկում, որտեղից նրան բերման են ենթարկել, իսկ ավտոմեքենան մնացել էր ռեստորանի բակում:
Սեպտեմբերի 26-ին Արտուշ Հակոբյանի ավտոմեքենայի խուզարկությունը կատարվել էր ոստիկանության կազմակերպված հանցագործությունների դեմ պայքարի վարչության շենքի դիմաց եւ պաշտպանին հետաքրքրում էր, թե ով է մեքենան վարել, ով է տիրապետել այն եւ այնտեղ հայտնաբերված մարիխուանայի սրվակը ով է գցել այնտեղ:
Այսօր Կենտրոն եւ Նորք-Մարաշ վարչական շրջանների ընդհանուր իրավասության դատարան հերթական անգամ չբերվեց 5-րդ ամբաստանյալը՝ Քյարամ Ամոյանը:
Մեղադրողը՝ Սասուն Խաչատրյանը, ներկայացրեց գործում եղած ապացույցները, մասնավորապես՝ ամբաստանյալ Դավիթ Գալստյանի քննչական փորձարարության վերաբերյալ արձանագրությունը: Ըստ այդ արձանագրության, ամբաստանյալին տարել էին բարձրաստիճան պաշտոնատար անձանց առանձնատները, որտեղից, նրա ասելով, ինքը, հանգուցյալ Գուրգեն Հայրապետյանը, «վրացիները» կատարել էին մի շարք գողություններ:
Ուշադրության թերեւս արժանի էր այն, որ գողությունները կատարվել են դիմակավորված, սակայն, ըստ այդ արձանագրության, տուժողներն անմիջապես ճանաչել էին Դավիթ Գալստյանին, նաեւ նրա արտաքին տվյալներից, հաղթանդամ լինելուց:
Մի քանի գողությունների ժամանակ, ըստ այս արձանագրության, Դավիթ Գալստյանը թռել էր պատերի վրայից: Պաշտպան Հովիկ Արսենյանը նկատեց, որ գործի նյութերում չկա մի փաստաթուղթ, որով կհիմնավորվեր, թե արդյոք խումբը՝ «բանդայի» անդամները, ի վիճակի՞ էին թռչել պատերի վրայից, կատարել նշված գողությունները:
Կարդացեք նաև
Իսկ այն, որ նրանք առանձնատներից գողացել էին նաեւ չհրկիզվող պահարաններ, գործի նյութերում չկար որեւէ տվյալ, թե ինչ են արել այդ պահարանները, որտեղ են թաքցրել ոսկեղենը եւ առանձնապես խոշոր չափերի գումարները:
Հաջորդ դատական նիստին կուսումնասիրվի այս գործի քննության ընթացքում ազատազրկման վայրում մահացած Արման Դալլաքյանի վերաբերյալ լազերային սկավառակը՝ կապված արտաքին դիտման հետ:
Ռուզան ՄԻՆԱՍՅԱՆ
Անիծվեք, դիմակավոր վամպիրներ,
Անիծվեն ձեր զավակները,
Աշխարհ բերող մայր կոչվողները,
Կաթը, մեռոնը, հացը,դպրոցը,
Գենը, երկիրը,դժոխքն ու սևը: