Այս տարվա հունվար-ապրիլին, նախորդի համեմատ, մասնավորապես, նվազել է կաթնամթերքի որոշ տեսակների արտադրությունը, մոտ 28%-ով՝ թթվասերի, 15%- ով՝ կաթնաշոռի, 12%-ով՝ մածունի, 21%-ով՝ պահածոների, 34%-ով՝ ձավարեղենի, 16%-ով՝ բուսական յուղի, 87%-ով՝ շաքարավազի եւ, վերջապես, 1,3%-ով ամենակարեւոր սննդամթերքի՝ հացի արտադրությունը։ Մոտ 5%-ով նվազել է կոնյակի, 9%-ով՝ գինու եւ 2,2 անգամ էլ՝ հանքային ջրերի արտադրությունը։
Սննդամթերքի եւ խմիչքների արտադրության ծավալների համատարած անկման այս ֆոնին ուշագրավ է գարեջրի 78%-ով, ոչ ալկոհոլային ըմպելիքների 39%-ով եւ աղբյուրի ջրի 63%-ով աճը։ 48%-ով աճել է սիգարետների արտադրությունը։
Ինչպես նկատում ենք, բացի թերեւս աղբյուրի ջրից, արտադրության աճ արձանագրած մյուս մի քանի ապրանքներն ունեն նաեւ արտահանման ուղղություն, այդ իսկ պատճառով արտադրության աճ են արձանագրել։ Այլապես զուտ ներքին պահանջարկի հաշվին անգամ նախկին ծավալներն ապահովել հնարավոր չէր լինի։
Մինչդեռ հիմնականում ներքին շուկային ուղղված ապրանքատեսակների արտադրության ծավալները շեշտակիորեն նվազել են։ Խոսքը, տվյալ դեպքում, կաթնամթերքի, շաքարավազի, ձավարեղենի եւ անգամ պահածոների մասին է:
Նարինե ՄԻՔԱՅԵԼՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
