Sky Sports-ի տվյալներով, անգլիական մի քանի ֆուտբոլային ակումբների սկաուտներ Յուրա Մովսիսյանի խաղը գնահատելու նպատակով ներկա են եղել Հայաստանի ազգային հավաքականի վերջին ընկերական հանդիպումներին:
Այդ առիթով ֆուտբոլիստն ասել է. «Ես լսել եմ, որ ինձանով հետաքրքրվում են Անգլիայում ու Գերմանիայում: Պետք է տեսնել, թե որքանով է այդ հետաքրքրությունը լուրջ: Ես ապացուցել եմ, որ կարող եմ գոլ խփել ամեն տեղ, որտեղ խաղացել եմ: «Սպարտակը» տեղյակ է իմ ամբիցիաներին եւ բոլոր կողմերը պետք է բավարարված լինեն: Ինձ համար կարեւորը խաղադաշտում հաջողությունն է»:
Tribalfootball.com-ի տեղեկություններով, Հայաստանի ազգային հավաքականի եւ Մոսկվայի «Սպարտակի» հարձակվողով Անգլիայում հետաքրքրված են «Տոտենհեմը», «Էվերթոնը» եւ «Վեսթ Բրոմվիչը»:
26-ամյա Յուրա Մովսիսյանը «Սպարտակի» լավագույն ռմբարկուն է:
Կարդացեք նաև
Աշոտ ՀԱԿՈԲՅԱՆ
