Երևանի Տերյան փողոցում ուսանող Տիգրան Հայրապետյանի սպանության աղմկահարույց գործով այսօր հարցաքննվեց տուժողի հայրը, տուժողի իրավահաջորդ Պատվական Հայրապետյանը: Նա հայտարարեց, որ դեպքի վերաբերյալ իր տրամադրվածությունը մեկն է՝ պարզել ողջ ճշմարտությունը:
Տուժողի իրավահաջորդը նշեց, որ դեպքից առաջ հեռախոսով խոսել է որդու հետ, նա նորմալ վիճակում է եղել, ապա ավելի ուշ որդու հեռախոսից իրեն զանգահարել են հիվանդանոցից, ասել, որ իր որդին դանակահարվել է:
Տուժողի հայրը նշեց, որ իր որդու ընկերոջ՝ Ռոբերտ Խաչատրյանի հորից է լսել, որ իր որդու մահվան հանգեցրած դանակի հարվածը հասցրել է ոմն Հայկը Կոմիտասից, ով, ինչպես իրեն հայտնի է դարձել հետագայում, ամբաստանյալ Հայկ Աղամալյանն է:
Նա հայտնեց, որ որդին գտնվել է վիճաբանության վայրում ընկերոջ՝ Ռոբերտ Խաչատրյանի պատճառով, իր հարցին, թե «եթե դու այնտեղ չլինեիր, Տիգրանն այնտեղ կլինե՞ր», Ռոբերտ Խաչատրյանը բացասական պատասխան է տվել:
Կարդացեք նաև
Ըստ սպանվածի հոր՝ Ռոբերտ Խաչատրյանի վնասվածքները մտացածին էին և նպատակ ունեին իր մոտ խղճահարություն առաջացնել, պատահական չէ, որ դատական բժիշկը չի նկատել, մասնավորապես, փորի վնասվածքը:
Նյութի մանրամասները կարդացեք «Փաստինֆո»-ի կայքում
