Լոռու մարզի առաջին ատյանի դատարանում, դատավոր Նարինե Հովակիմյանի նախագահությամբ, շարունակվում է «Մուշ» ռեստորանում փաստաբան Սամվել Շարբաթյանի սպանության մեջ մեղադրվող Սամվել Դիլոյանի, Արտակ եւ Արեն Վերանյանների դատաքննությունը:
Իրեղեն ապացույցների հետազոտումից հետո դատարանն անցել է ամբաստանյալների հարցաքննությանը:
Կարդացեք նաև
Նախորդ դատական նիստի ժամանակ դատարանում ցուցմունք տվեց Արտակ Վերանյանը:
Այսօրվա դատական նիստի ժամանակ դատարանը շարունակեց հրապարակել Արտակ Վերանյանի նախաքննական ցուցմունքները:
Էական հակասություններ ամբաստանյալի նախաքննական եւ դատաքննական ցուցմունքներում չկային:
Այնուհետեւ դատարանում ցուցմունք տվեց Սամվել Դիլոյանը:
Նա հանդես եկավ նույնաբովանդակ ցուցմունքով, ինչ Արտակ Վերանյանը, հայտնեց, որ ինքն ու Արեն Վերանյանը վիճաբանությանը չեն մասնակցել, որ դեռ սենյակում Սամվել Շարբաթյանը վրդովվել էր կոնյակի վերջանալու առիթով եւ դուրս կանչել Արտակ Վերանյանին:
Մանրամասները` տեսանյութում:
Անուշ ԲՈՒԼՂԱԴԱՐՅԱՆ
