Եվրոպայի խորհրդի խորհրդարանական վեհաժողովի (ԵԽԽՎ) ամառային նստաշրջանի ընթացքում ընդունվել է ԵԽԽՎ-ում Հայաստանի պատվիրակության կողմից շրջանառության մեջ դրված հայտարարությունը: Այն ստորագրել են ԵԽԽՎ 28 պատվիրակներ:
ԵԽԽՎ պաշտոնական կայքից տեղեկանում ենք, որ հայտարարության տակ ստորագրած անձինք իրենց մտահոգությունն են հայտնում Ադրբեջանում մարդու իրավունքների, ժողովրդավարության և օրենքի գերակայության ոլորտներում իրավիճակի վատթարացման մասին։
Հայտարարությունում մասնավորապես ամրագրված է. «ԵԽԽՎ-ն պետք է հրատապ գործողություններ իրականացնի` հաշվի առնելով այն զեկույցները, որոնք վկայում են Ադրբեջանում խոսքի, հավաքների ազատության սահմանափակումների, կամայական ձերբակալությունների և բանտարկությունների մասին, որոնք Ադրբեջանի իշխանությունները կիրառում են ընդդիմադիրներին և անկախ լրատվամիջոցներին լռեցնելու համար, սահմանափակելու հասարակական կազմակերպությունների գործունեությունը»:
Նշված հայտարարությամբ կոչ է արվում Ադրբեջանին հարգել մամուլի և խոսքի ազատությունը, համապատասխանեցնել օրենսդրությունը ԵԽ չափանիշներին:
Կարդացեք նաև
Տաթև ՀԱՐՈՒԹՅՈՒՆՅԱՆ
Ինչպես տեսնում եմ,Ադրբեջանը հասունացել է ԵՄ անդամակցելուն….