«Կենտրոնի աշխատանքները կազմակերպելն ինձնից խլելու է մեծ ջանքեր, որն անհնար է համատեղել վարչության աշխատանքների հետ։
Փորձագիտական կենտրոնը ենթադրում է անկողմնակալություն, ոչ քաղաքականացված եւ ոչ կուսակցականացված այդ կառույցը գործելու է հավասարակշիռ սկզբունքով։ Հետեւաբար, ենթադրում է ծավալուն աշխատանք, դրա պատճառով դուրս եկա կուսակցության ղեկավար շարքերից»,- պարզաբանեց Ստյոպա Սաֆարյանր։
Պատասխանելով հարցին, թե ապագայում հնարավոր է, որ ինքն այլեւս չզբաղվի կուսակցության որեւէ աշխատանքով, այսինքն՝ դուրս գա «Ժառանգությունից»՝ Ստյոպա Սաֆարյանն ասաց. «Ինձ համար տվյալ պահին էական չէ կարգավիճակը։ Ես քաղաքականությունից չեմ հեռանում, մտածում եմ քաղաքականության վրա ինստիտուցիոնալ ազդեցության մասին, իմ համոզմունքներում ոչինչ չի փոխվել, ես շարունակում եմ հավատալ արժեքներին, ինչի համար էլ անդամակցել եմ կուսակցությանը։ Հետեւաբար, նույն բանն էլ անելու եմ փորձագիտական կտրվածքով՝ ազդելով քաղաքականության եւ քաղաքական որոշումների ընդունման գործընթացի վրա։ Շատ տեսական պետք է պատասխանեմ, ես «Ժառանգությունից» դուրս կգամ այն դեպքում, երբ զգամ, որ կուսակցական անդամակցությունը ազդում է կենտրոնի գործունեության վրա կամ էլ երբ տեսնեմ, որ կուսակցության եւ իմ հայացքները չափազանց տարբեր են»,- եզրափակեց Ստյոպա Սաֆարյանը։
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
