«Սահմանադրական զարգացումների պահանջարկն անընդհատ է, պետք է պարզապես կարողանալ այդ պահանջարկը խելամիտ ձեւով բավարարել»,- այսօր Սահմանադրական դատարանում ՀՀ Սահմանադրության օրվա առիթով կազմակերպված ընդունելության ժամանակ լրագրողների հետ զրույցում պատասխանելով հարցին՝ կա՞ սահմանադրական բարեփոխումների անհրաժեշտություն, ասաց ՀՀ ՍԴ նախագահ Գագիկ Հարությունյանը:
Նկատենք, որ ՀՀ Սահմանադրությունը վաղը կդառնա 19 տարեկան: Գագիկ Հարությունյանը գտնում է, որ մեր Սահմանադրությունն իր պատմական դերակատարումը կարողացել է իրականացնել:
Aravot.am-ի հարցին՝ այն, որ սահմանադրական բարեփոխումների քննարկումներն անցնում են կիսադատարկ դահլիճներում , դա չի՞ վկայում, որ ոչ քաղաքական ուժերը, ոչ ՀՀ քաղաքացիները Հայաստանում առկա խնդիրների լուծումը չեն կապում այդ բարեփոխումների հետ, Գագիկ Հարությունյանը պատասխանեց. «Բոլոր այն դահլիճներում, որտեղ ես եմ եղել, եղել են լիքը դահլիճներ: Կիսադատարկ դահլիճի ես չեմ հանդիպել: Այդպիսի պարագաներում էլ հավանաբար կազմակերպիչների թերացմամբ կամ առաջարկվող թեմայով է պայմանավորված եղել»:
Այլ մանրամասները՝ տեսանյութում
Կարդացեք նաև
Բուն հարցը՝ ՀՀ-ում առկա խնդիրներն արդյոք սահմանադրական բարեփոխումներո՞վ են պայմանավորված, այդպես էլ անպատասխան մնաց:
Նելլի ԳՐԻԳՈՐՅԱՆ
