Մեծ Բրիտանիայի արքայազն Էնդրյուն, որը սերտ կապեր ունի Ադրբեջանի նախագահ Իլհամ Ալիևի հետ, թագավորական պալատ է հրավիրել «Բրիթիշ փեթրոլիում» նավթային ընկերության գործադիր տնօրեն Ռոբերտ Դադլիին՝ քննարկելու Ադրբեջանի հետ կապված հարցեր, հայտնում է «Դեյլի Մեյլ»-ը:
Հանդիպումը կայացել է հուլիսի 8-ին փակ դռների հետևում, սակայն արքայազնի խոսնակը հրաժարվել է ասել, թե կոնկրետ ինչ է քննարկվել.
«Մենք չենք մեկնաբանի մասնավոր հանդիպումների բովանդակությունը», – ասել է մամուլի խոսնակը, – «Այնուամենայնիվ հայտնի է, որ արքայազն Էնդրյուն պարբերաբար հանդիպում է ընկերությունների ղեկավարների հետ՝ բրիտանական բիզնեսին աջակցելու համար»:
Պաշտոնյաների պնդմամբ, հանդիպումը կայացել է դիվանագետների սադրանքով, սակայն այն թարմ հարցեր է բարձրացրել արքայազնի և աշխարհի ամենակոռումպացված համակարգերից մեկի հետ կապերի մասին, գրում է պարբերականը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
