Վրաստանի թեյագործների միության նախագահ Թենգիզ Շանիդձեն, որը հյուրընկալվել էր Գյումրիի Գործարարության և զարգացման Կովկասյան ցանցի կողմից կազմակերպված «Կովկասի համն ու հոտը» խորագրով «Կովկասյան թեյ», «Կովկասյան մեղր», «Կովկասյան պանիր», «Կովկասյան փունջ» /գինի/ նոր ապրանքատեսակների ցուցադրմանը, կարծիք հայտնեց, որ Հայաստանի`Մաքսային միության անդամակցումը անջրպետ չի կարող առաջացնել Հայաստանի ու Վրաստանի միջև: «Ես հենց նոր խոսում էի Գյումրու քաղաքապետի հետ, Հայաստանը կարող է իր ապրանքը վաճառել ռուսական շուկայում, իսկ քանի որ Վրաստանը ազատ առևտրային հարաբերություններ ունի Եվրոպայի հետ, հայ գործարարները կարող են վրացիների հետ համատեղ ձեռնարկություններ ստեղծել ու իրենց արտադրանքը տանել, վաճառել Եվրոպա: Սա լավ միջոց է` կունենանք թե ռուսական շուկան Հայաստանի միջոցով, թե եվրոպականը` Վրաստանի միջոցով»:
Այն հարցին էլ, թե ո՞ր երկրում է ավելի հեշտ բիզնեսով զբաղվելը, Հայաստանո՞ւմ, թե՞ Վրաստանում, թեյագործի ասելով՝ Վրաստանում բիզնես հիմնելը շատ հեշտ է. փող ունենաս, անմիջապես կհիմնես:Ըստ նրա, թեև որոշ ոլորտներ մոնոպոլիզացված են, սակայն դա չի խանգարում բիզնեսի զարգացմանը: Նրա կարծիքով, Հայաստանում էլ այնքան դժվար չէ գործարարությամբ զբաղվելը:
Մանրամասները՝ տեսանյութում
Կարդացեք նաև
Նունե ԱՐԵՎՇԱՏՅԱՆ
