ՀՀ արդարադատության նախկին նախարար, ԱԺ աշխատակազմի ղեկավար Հրայր Թովմասյանը, որն այսօր Սահմանադրական դատարանի նախագահի հետ այցելել էր Շիրակի մարզ` սահմանադրական բարեփոխումների անհրաժեշտությունը շիրակցիներին բացատրելու, իր ասելիքը բավական գեղարվեստորեն ներկայացրեց` նույնիսկ չինական ասացվածքից մեջբերումներ անելով: «Եթե Սահմանադրությունը նայենք ոչ թե որպես իրավական փաստաթուղթ, այլ դիտարկենք որպես արձակ մի ստեղծագործություն, ապա վստահորեն պիտի ասենք, որ դրա գլխավոր հերոսը ոչ թե հանրապետության նախագահը, վարչապետը, Ազգային ժողովը, մարզպետը, քաղաքապետը, դրա գլխավոր հերոսը սովորական մարդն է, որովհետև ինչ ուզում ես արա, քո գլխավոր նպատակը պետք է լինի էդ մարդը էդ երկրում լա՞վ է ապրում, թե՞ վատ է ապրում, հոգսեր ունի՞, թե՞ չունի, իսկ մնացածը երկրորդական են, մնացածը կոչված են ապահովելու` էդ մարդը լա՞վ է ապրելու, թե՞ չէ, անվտա՞նգ է ապրելու, թե՞ չէ»:
Մանրամասները` տեսանյութում
Նունե ԱՐԵՎՇԱՏՅԱՆ
