«Ժողովուրդ»-ը զրուցել է «Նաիրիտ»-ի նախկին տնօրեն Գագիկ Ներսիսյանի հետ՝ պարզելու, արդյո՞ք այդքան դժվար է բացահայտել, թե իրականում ինչ է տեղի ունեցել գործարանի հետ։
– Ըստ Ձեզ, այժմ անհնա՞ր է բացահայտել, թե ովքեր են պատասխանատու «Նաիրիտ»-ի այսօրվա վիճակի համար։
– Բացարձակ անհնար բան չկա, պարզապես պետք է մի 60 հոգու դատեն, եթե շատ են ուզում։ Պետք է նաեւ բռնագրավում ու բռնագանձումներ անեն ու ամեն ինչն իր տեղը կգա։ Չնայած՝ դա էլ «Նաիրիտ»-ը չի փրկի, քանի որ գործարանի վիճակը շատ վատ է։
– Բայց այժմ «Նաիրիտ»-ի վաճառքի հետ կապված բանակցություններ են ընթանում։ Գուցե այդ կերպ հարցը լուծվի։
Կարդացեք նաև
– «Ռոսնեֆտ» եւ այլն, դրանք ավելորդ խոսակցություններ են։ Եթե որեւէ մեկը տնտեսությունից հասկանում է, ապա իր համար պարզ է, որ ոչ ոք չի կարող «Նաիրիտ»-ը վերցնել, կամ պետությունը պետք է այնքան հզոր լինի, որ բոլոր պարտքերը մարի, աշխատավարձերը վճարի, կամ այն կազմակերպությունները, որոնք այն տնօրինում են՝ նախկին առեւտրի նախարարի՝ Վահան Մելքոնյանի, ինչպես նաեւ Տիգրան Սարգսյանի եղբոր գլխավորությամբ, որպեսզի կարողանան հարցին լուծում տալ։ Ես չեմ կարծում, որ ՀՀ-ում կգտնվի մի սրտացավ փորձագետ ասեմ, քննիչ ասեմ, երկրի նախագահ ասեմ, դատախազ ասեմ՝ չգիտեմ ինչ ասեմ, որ կցանկանա դա բացահայտել։ Շատ մեծ կեղտ է փաթաթվել «Նաիրիտ»-ի վզով, որի համար էլ դա կոլապս են ասում, բա այդքանից հետո «Նաիրիտ»-ը պետք է կոլապսում հայտնվեր։ Այսօրվա վարչապետը, համոզված եմ, ամենամեծ ցանկության դեպքում էլ չի կարողանալու օգտակար լինել «Նաիրիտ»-ին, որովհետեւ դժվար է կարծել, որ իրենք իրենց շրջապատի մարդկանց «կուտեն»։ Կամ այն կուսակցության անդամներին, ովքեր տնօրինում էին «Նաիրիտ»-ը:
Սոնա ԳՐԻԳՈՐՅԱՆ
Հարցազրույցն ամբողջությամբ կարող եք կարդալ «Ժողովուրդ» թերթի այսօրվա համարում
