Ռուսական կողմի միջնորդությամբ օգոստոսի 8-9-ը կկայանա Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը:
Aravot.am-ի հարցին՝ այդ ինչպե՞ս ստացվեց, որ Ֆրանսիայի նախագահ Ֆրանսուա Օլանդի՝ երկու նախագահների հանդիպում կազմակերպելու առաջարկը չընդունվեց, մինչդեռ ռուսական կողմից միջնորդությամբ հանդիպում կազմակերպելու առաջարկին երկու կողմերն էլ այս անգամ միանգամից արձագանքեցին, Քաղաքական եւ միջազգային հետազոտությունների հայկական կենտրոնի տնօրեն, քաղաքական վերլուծաբան Աղասի Ենոքյանը պատասխանեց. «Պուտինի համար մինիմում ծրագիրն արդեն իսկ կատարված է, այսինքն մինչ այս հրավերներ էին հնչում Օլանդի, Քերիի կողմից, բայց երկու նախագահները չէին պատասխանում այդ հրավերներին, իսկ հիմա Պուտինի հրավերը անմիջապես աշխատել է, անմիջապես նրանք հանդիպում են Սոչիում: Իսկ Պուտինի մաքսիմում ծրագիրը ռուսական խաղաղապահների տեղակայումն է, որը դժվար է ասել այս փուլում կիրականանա, թե՝ ոչ»:
Մեր դիտարկմանը, սա նշանակում է, որ վերջին օրերի սահմանային լարվածությունը և՞ս հրահրված է Ռուսաստանի կողմից կամ գոնե ձեռնտու է նրան, պարոն Ենոքյանն արձագանքեց. «Միարժեքորեն, քանի որ որևէ ներքին էնդոծին պատճառ չկար հիմա լարվածության ավելացման»:
Մեր հարցին՝ արդյոք ՀՀ-ի և Ադրբեջանի նախագահների հանդիպումից հետո իրավիճակը սահմանին կկայունանա՞, պարոն Ենոքյանը պատասխանեց. «Այնուամենայնիվ, իրավիճակը կհանդարտվի, քանի որ սա կարծես թե գործողությունների առաջին փուլն է Պուտինի կողմից մտածված, որին կհետևի մեկ այլ շիկացում»:
Կարդացեք նաև
Մեր հարցին՝ իսկ ռուսական խաղաղապահների տեղակայման հետ կապված Ռուսաստանը հաջողության կհասնի՞, վերլուծաբանն ասաց. «Գոնե այս փուլում դա չի ստացվի»:
Հայաստանի և Ադրբեջանի՝ ռուսական կողմից հանդիպման առաջարկին միանգամից արձագանքելու փաստը պարոն Ենոքյանն այսպես է մեկնաբանում. «Երկուսն էլ հասկանում են, որ այսօր իրավիճակի մենեջերը Ռուսաստանն է և այդ առումով Պուտինի հրավերին իրենք անմիջապես արձագանքեցին: Հասկանալի է, որ այս շիկացումը ՌԴ-ի կողմից էր հրահրված և երկու երկրներն էլ իրավիճակի հանդարտեցում էին ուզում»:
Տաթև ՀԱՐՈՒԹՅՈՒՆՅԱՆ
Եթե իրավիճակի մենեջերը Ռուսաստանը լիներ, ռուս «խաղաղապահներ» վաղուց տեղակայված կլիներ:
Հարգելի Վարազ, իմ կարծիքով այս իրավիճակը իրականում ունի 3 մէնէջեր, երկու հարազատ եղբայրները…Ալիեվն ու Սարգսյանը, որոնց շահերից է բխում ԼԱՐՎԱԾՈՒԹՅԱՆ պահպանումը եվ բնականաբար իրենց ՌԵԺԻՄՆԵՐԻ գոյատեվման ապահովումը, դե իսկ Պուտինյան Ռուսաստանին էլ «գերտերություն» համարվելը…
Հարգելի Գալուստ – Համաձայն եմ: Քանի դեռ Արցախի խնդիրը լուծված չէ, ՆԵՐՔԻՆ թշնամու (այսինքն՝ քրեա-օլիգարխիկ կլանի) դեմ «չպիտի պայքարեն»,որպեսզի երկիրը «ներսից չթուլանա»: Ուստի՝ՀՀ օլիգարխային կլանին ՄԻՇՏ չլուծված Արցախի խնդիր ու լարված սահմաններ են պետք: Վայվույոցներին չխաբվեք:
Ըստ de facto նախագահի՝ «Արցախը ՀՀ չէ», բայց ՀՀ քաղաքացի զինվորները զոհվում են Արցախում:Այդ դեպքում՝ ո՞ր իրավակա՛ն հիմքի վրա: