ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտնել է, որ համանախագահները մտադիր են մոտ ապագայում այցելել Ղարաբաղի հակամարտության տարածաշրջան:
«Համանախագահները մտադիր են մոտ ապագայում այցելել տարածաշրջան, սակայն կոնկրետ ամսաթիվը որոշված չէ», – ասել է Ուորլիքը «ԱՊԱ»-ի հետ զրույցում:
«Հակամարտության խաղաղ կարգավորման Սոչիի բանակցությունները շարունակելու նպատակով նախագահները կարող են հանդիպել աշնանը: Համանախագահները պատրաստ են էական աջակցություն ցուցաբերել բանակցություններում արդյունքի հասնելու համար: Հայ և ադրբեջանցի ժողովուրդները պետք է հասկանան, որ շարունակվող հակամարտությունը չի բխում իրենց պետության շահերից: Հույս ունեմ, որ մարդիկ իրենց ձայնը կտան խաղաղությանը», – ասել է նա:
Պատրաստեց Հովհաննես ԻՇԽԱՆՅԱՆԸ
