«Ավելի մեծ աբսուրդ դժվար է պատկերացնել, այն էլ ուկրաինական ճգնաժամի պարագայում: Այդուհանդերձ Ռուսաստանը զերծ չմնաց որոշ ջանքեր գործադրելու, որպեսզի թեկուզ ժամանակավոր, բայց հաշտեցնի հակամարտող կողմերին: Բայց Ռուսաստանը միակ խաղացողը չէ Հարավային Կովկասում և միակ համանախագահողը չէ: Պարբերաբար շրջանառվող լուրերը, թե Ռուսաստանը միայն մտածում է խաղաղապահ ուժեր տեղակայել Ղարաբաղյան հակամարտության գոտում, ուղղակի աբսուրդային են:
Թեև Ռուսաստանն անշուշտ հետաքրքրված է, որպեսզի շփման գծում արյուն չթափվի և սրացում չլինի, քանի որ ցանկացած նման միջադեպ ու երևույթ բացասաբար է անդրադառնում նաև ՌԴ վրա»,- այսօր «Նովոստի» մամուլի կենտրոնում կարծիք հայտնեց ՌԴ գիտությունների ակադեմիայի Արևելագիտության ինստիտուտի Կենտրոնական Ասիայի և Կովկասի հետազոտական կենտրոնի փորձագետ, Սևծովյան-կասպյան տարածաշրջանի քաղաքական և սոցիալական հետազոտությունների ինստիտուտի գիտաշխատող Անդրեյ Արեշևը:
Քաղաքագետը համոզմունք հայտնեց, որ ՀՀ-ի, Ադրբեջանի և ՌԴ նախագահների համատեղ հանդիպումը, որը որոշակիորեն լարվածությունը մեղմացրեց, իր ազդեցությունը կունենա առաջիկայում ևս`պահպանելով այդ մեղմացումը: Նա հույս հայտնեց, որ հետագայում Ռուսաստանը փոքր-ինչ ավելի ինքնուրույն կլինի Ղարաբաղյան հակամարտության կարգավորմանն ուղղված մոտեցումներում. «Կովկասը հանդիսանում է պոտենցիալ անկայունության մի գոտի տարածաշրջանում, որը ունակ է խոչընդոտող հանգամանք դառնալ, օրինակ, ռուս-իրանական համագործակցության խորացման առումով:
Ես կարծում եմ՝ և ՌԴ-ն, և Իրանը, ինչպես նաև այն բոլոր ուժերը, որոնք շահագրգռված են, որպեսզի Կովկասը երկարատև կրակի օղակ չդառնա, կանեն ամենը, որպեսզի կարողանան Ղարաբաղյան հակամարտության գոտում գոնե պահպանել առկա ռազմաքաղաքական ու ռազմատեխնիկական բալանսը»:
Կարդացեք նաև
Նելլի ԳՐԻԳՈՐՅԱՆ
Կլկլում է ջուրը ղեյրանի,
Խանի դեմ սանդալի վրա…
էյ, խանի երկիր, թաջիրի երկիր…