Վազաշեն-Պառավաքար շրջանցիկ ավտոճանապարհի շինարարությունը վերջերս դադարեցվել է: Դրա պատճառը ադրբեջանական գնդակոծությունների վտանգն է: Այս մասին հայտնեց շրջանցիկ ճանապարհի շինարարությունն իրականացնող «Իջեւանի ՃՇՇ» ՓԲԸ ղեկավար Արծրունի Ղալումյանը:
Նա ասաց, որ ճանապարհը նախատեսվում է շահագործման հանձնել ընթացիկ տարվա նոյեմբերի սկզբին: Նախկինում հայտարարվում էր, որ այլընտրանք հանդիսացող, սահմանի տվյալ հատվածում ադրբեջանական գնդակոծություններից անվտանգ համարվող ճանապարհը պետք է շահագործման հանձնվի 2014թ. հունիսին:
3,2 կմ երկարությամբ շրջանցիկ ճանապարհն այդ հատվածում երթեւեկը կկրճատի 1,8 կմ-ով: Նշենք, որ այդ ճանապարհի շինարարության համար պետական բյուջեից հատկացվել է 520 միլիոն դրամ: Այդ ճանապարհին ադրբեջանական գնդակոծությունից պաշտպանիչ պատ է կառուցվում:
Ոսկան ՍԱՐԳՍՅԱՆ
Հարգարժան Ոսկան, Վազաշեն-Պառավաքար ճանապարհի շրջանցիկ հատվածի շինարարության դադարեցումը որևէ կապ չունի հակառակորդի գնդակոծությունների հետ: Ավելին, վերջին մեկ-երկու ամիսներին հայ-ադրբեջանական սահմանի Տավուշի հատվածի լարվածությունը որևէ կերպ չի անդրադարձել ավտոճանապարհի նշված հատվածի վրա, այլ կերպ ասած հակառակորդի կողմից ճանապարհի այդ հատվածի ուղղությամբ որևէ կրակոց չի եղել և երթևեկությունը, նույնիսկ գիշերային ժամերին չի դադարեցվել: Ավելին, հակառակորդին ձեռնտու չէ այդ հատվածի լարվածությունը, քանի որ ինքը խնդիր ունի այդ հենակետի նյութատեխնիկական և մարդկային ռեսուրսի ապահովման հետ: Ինչ վերաբերվում է նոր կառուցվող հատվածին, ապա ավելի քան 400 գծամետր 3-ից 5 մետր բարձրության վրա կառուցվելիք արգելապատնեշն առավել քան խոսուն փաստ է: Հարկ է նշել, որ այստեղ մենք ականատեսը եղանք մի խումբ պետական պաշտոնյաների կողմից ՞օտկատների՞ տեսքով անձնական շահ ստանալու նպատակով ՀՀ կառավարությունից շանտաժի միջոցով գումարներ կորզելու և մինչ շինարարության սկսելն իրենց բաժինը գրպանելու մեխանիզմին, որի իրագործողը նախկին մարզպետ Արմեն Ղուլարյանն էր: Այնպես որ հակառակորդին հանգիստ թողեք, թշնամիները մեր մեջ են, կառավարության միջանցքներում: