Հայաստանի դատական դեպարտամենտի ղեկավար Միսակ Մարտիրոսյանի, դեպարտամենտի պաշտոնատար անձանց, դատական կարգադրիչների ստորաբաժանումների գործի քննությունն այսօր հետաձգվեց:
Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանը հայտնեց, որ մինչ նիստը Միսակ Մարտիրոսյանի պաշտպան Արթուր Գրիգորյանն իրենց է դիմել, հայտնել, որ վատառողջ է, այդ իսկ պատճառով չի կարող ներկայանալ դատարան: Նիստն այդ իսկ պատճառով հետաձգվեց:
Դատավորը հրապարակեց մի քանի վկաների դատարան ուղարկած դիմումները.մի քանիսը խնդրել էին հրապարակել իրենց նախաքննության ժամանակ տված ցուցմունքները, պատճառաբանելով աշխատանքային զբաղվածությունն ու քաղաքից բացակայելը, մի երկուսի հասցեն էլ ճիշտ չէր:
Դատարանը կրկին կդիմի ոստիկանությանը:
Հիշեցնենք, որ ըստ մեղադրանքի կողմի, Միսակ Մարտիրոսյանը հանդիսանալով պաշտոնատար անձ, մի խումբ պաշտոնատար անձանց միջոցով ստեղծել էր «կայուն, կազմակերպված խումբ» եւ յուրացնելու եղանակով 2009թ. օգոստոսից մինչեւ 2013թ. հափշտակել են 115 մլն 782 հազարից ավելի դրամ: Բացի դա, Միսակ Մարտիրոսյանը մեղադրվում էր կաշառք վերցնելու 3 դրվագով՝ աշխատանքի նշանակելու համար:
Կարդացեք նաև
Ռուզան ՄԻՆԱՍՅԱՆ
