ԱԻՆ-ի պաշտոնական կայքը տեղեկացնում է՝ հոկտեմբերի 5-ին, ժամը 16.47-ին ահազանգ է ստացվել, որ Երևանի Սարալանջի փողոցում`« Բելաջիո» ռեստորանային համալիրի մոտակայքում, քաղաքացին վրաերթի է ենթարկվել. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Սարալանջի փողոցի թիվ 237/10 հասցեի մոտակայքում ավտոմեքենան վրաերթի է ենթարկել անձը չպարզված քաղաքացուն:
Հրշեջ-փրկարարները քաղաքացուն պատգարակով մոտեցրել են շտապօգնության ավտոմեքենային, ով այնուհետև տեղափոխվել է Հերացու անվան թիվ 1 ԲԿ, որտեղ բժիշկները տուժածի առողջական վիճակը գնահատել են միջին ծանրության:
