Մոսկվայի Վնուկովո օդանավակայանում «Falcon» մասնավոր ինքնաթիռը հոկտեմբերի 20-ի լույս 21-ի գիշերը բախվել է ձնահավաք մեքենայի, որի հետևանքով 4 մարդ է զոհվել, նրանց մեջ՝ ֆրանսիական «Total» նավթային ընկերության ղեկավար Քրիստոֆ դե Մարժերին:
Ինչպես փոխանցում է «ՏԱՍՍ»-ը, քննչական վարչությունից հայտնել են, որ ձնահավաք մեքենայի վարորդը հարբած է եղել: Դիտարկվում են նաև օդային կարգավորողների սխալ գործողությունները:
63-ամյա դե Մարժերին Ռուսաստան գործուղման էր մեկնել՝ մասնակցելու օտարերկրյա ներդրումների վերաբերյալ ժողովին, որին ներկա պետք է լիներ ՌԴ վարչապետ Դմիտրի Մեդվեդևը:
Վթարի հետևանքով զոհվել է նաև ինքնաթիռի երեք հոգանոց անձնակազմը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
