Երեկ Վերաքննիչ քրեական դատարանում դատավոր Կարինե Ղազարյանի֊ նախագահությամբ մեկնարկեց ու արագ ավարտվեց «ՉԻ» լրագրող Անի Գեւորգյանի բողոքի քննությունը։ Դատավորը հեռացավ խորհրդակցական սենյակ, կես ժամ անց վերադառնալով էլ ընթերցեց իր որոշումը՝ առաջին ատյանի դատարանի որոշումը թողնել ուժի մեջ, Գեւորգյանի բողոքը՝ մերժել։
Հիշեցնենք, որ «ՉԻ» լրագրողի բողոքը վերաբերվում է այս տարվա փետրվարի 12-ի դեպքերին, երբ նախ Մաշտոցի պողոտայում ոստիկան Վարդան Գեւորգյանը փորձել էր խլել լրագրողի տեսախցիկը, ապա նրան ապօրինի բերման էր ենթարկել, արդեն ոստիկանության Կենտրոնի բաժնում լրագրողին հարվածել էր ոստիկանության Կենտրոնի բաժնի պետ Արտակ Պողոսյանը, նաեւ լրագրողից առգրավել էին տեսախցիկի հիշողության քարտերը, որոնք վերադարձրել էին անսարք վիճակում։
Այս դեպքերից հետո լրագրողը հանցագործության մասին հաղորդում էր տվել, ՀՔԾ-ում քրեական գործ էր հարուցվել, որը, սակայն, մի քանի ամիս անց կարճվել էր։
Այժմ լրագրողը բողոքում է գործը կարճելու որոշման դեմ, որը Կենտրոն եւ Նորք-Մարաշ վարչական շրջանների ընդհանուր իրավասության դատարանը թողել էր ուժի մեջ:
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
