ԱՄԷ-ի ներդրումային ընկերություններից մեկը պատրաստվում է հինգ քաշային կարգերում անպարտելի բռնցքամարտիկ, ամերիկացի Ֆլոյդ Մեդվեյզեր կրտսերին $110 մլն. հոնորար առաջարկել 66,7 կգ քաշային կարգում WBO չեմպիոն Մեննի Պակյաոյի հետ մենամարտելու համար: Ֆիլիպինցուն նույնպես խոշոր պարգեւ կհասնի, քանի որ առաջարկվող ընդհանուր մրցանակային գումարը $ 200 միլիոն է:
Եթե մենամարտը կայանա, որը նախատեսվում է 2015 թվականի ապրիլին կամ մայիսին, ապա դա կլինի մարզաձեւի պատմության մեջ ամենախոշոր պարգեւավճարը:
Աշոտ ՀԱԿՈԲՅԱՆ
