ԵՏՄ անդամակցության պայմանագրի վավերացումից հետո այսօր՝ դեկտեմբերի 4-ին, ԱԺ շենքի մուտքի մոտ վիճեցին Հայաստանի Հանրապետության Գերագույն խորհրդի նախկին պատգամավոր, Անկախության հանրաքվեի պետական հանձնաժողովի անդամ Արամ Մայիլյանը եւ ԱԺ ԲՀԿ խմբակցության պատգամավոր Գուրգեն Արսենյանը, որն այսօր կողմ էր քվեարկել ԵՏՄ անդամակցման պայմանագրին:
Արամ Մայիլյանը պատգամավորին ասաց, որ նա կողմ քվեարկելով՝ անարգել է հայ ժողովրդին:
«Ես այն մարդն եմ, որ ստորագրել է Հայաստանի անկախության համար: Դուք անօրինական գործունեությամբ եք զբաղվել: Ժողովրդի ձայնով անկախ Հայաստանը դուք վաճառում եք այլ երկրի, դուք սահմանադրությունն էլ եք խախտում: Դուք այսօր անարգել եք հայ ժողովրդին, Հայաստանին, եղա՞վ Գուրգեն»,- ասաց Արամ Մայիլյանը եւ առանց պատասխանը լսելու շրջվեց:
Գուրգեն Արսենյանը վրդովվեց եւ խնդրեց իր վրա ձայն չբարձրացնել. «Առաջինը խնդրում եմ Ձեր ձայնը ինձ վրա մի բարձրացրեք ու բարձրացնելուց հետո մի անհայտացեք, լսեք պատասխանը»:
Կարդացեք նաև
Արամ Մայիլյանը պատգամավորին խնդրեց հաշվի առնել այն, որ «իր ստորագրությունը Հայաստանի անկախացման տակ է, իսկ պատգամավորինը՝ դավաճանության»:
Մանրամասները կարող եք կարդալ` news.am-ի կայքում
Նման տապոռի դեմքով երեսփոխանները Պուտինյան անձի պաշտպանունքի զոհերն են: Ուշքի արի հայ ժողովուրդ!