Քիչ առաջ Բաքվի Սաբաիլ շրջանի դատարանը «Ազատության» լրագրող Խադիջա Իսմայլովային երկու ամսով կալանավորելու որոշում կայացրեց:
Նրան կալանավորելու միջնորդությամբ դատարան էր դիմել դատախազությունը:
«Ազատություն» ռադիոկայանի ադրբեջանական ծառայության փոխանցմամբ՝ Իսմայլովային դատախազություն են կանչել այսօր առավոտյան: Այստեղ դատախազը հանդես է եկել նրան կալանավորելու միջնորդությամբ և Իսմայլովան կանչվել է դատարան՝ ներկա լինելու միջնորդության քննությանը:
Լրագրողի ընկերների փոխանցմամբ, Իսմայլովային դատախազություն են կանչել Թուրալ Մուստաֆաևի գործով, ով փորձել էր ինքնասպանություն գործել:
Կարդացեք նաև
Լրագրողին կալանավորելու միջնորդությունը քննվել է առանց նրա փաստաբանի մասնակցության: Լրագրողը բարեկամներին խնդրել է բերել իր դեղերը և հագուստը:
Մանրամասները կարող եք կարդալ` «Ազատություն» ռ/կ-ի կայքում
