«Երբ Թուրքիան պատրաստ լինի համագործակցության, երբ պատասխանի ՀՀ-ի կողմից պարզված ձեռքին, հնարավոր կլինի հարաբերություններ զարգացնել»,-այսօր ՀՀ ԱԳՆ-ում հրավիրված Լատվիայի արտաքին գործերի նախարար Էդգարս Ռինկևիչսի հետ համատեղ ասուլիսում պատասխանելով այն հարցին, ի՞նչ դիրքորոշում ունի Թուրքիայի ԱԳ նախարարի ՀՀ-ի այն կոչին, թե պետք է համագործակցել հարևանների հետ, այսպիսի կարծիք հայտնեց ՀՀ ԱԳ նախարար Էդվարդ Նալբանդյանը:
Նա շեշտեց, թե կհամագործակցենք, եթե Թուրքիան պատրաստ լինի դրան ու մանրամասնեց. «Մեր դիվանագիտական և արտաքին քաղաքականությունն ուղղված է բոլոր երկրների հետ համագործակցություն հաստատելուն և զարգացնելուն, բայց հասկանում ենք, որ կարելի է համագործակցություն զարգացնել այն երկրների հետ, որոնք պատրաստ են դրան:
Արդյոք կարելի՞ է մի երկրի հետ համագործակցություն հաստատել, որը չի հաստատում և հրաժարվում է դիվանագիտական հարաբերությունների հաստատումից ՀՀ-ի հետ, սահմանը փակ է պահում, ագրեսիվ ժխտողական քաղաքականություն է վարում Հայոց ցեղասպանության վերաբերյալ և ընդհանրապես թշնամական դրսևորումներ է արտահայտում տարբեր հարցերի վերաբերյալ, որոնք վերաբերերում են ՀՀ-ին և հայ ժողովրդին»:
Այնուհետև ՀՀ ԱԳ նախարարն ասաց, թե Թուրքիան պատրաստ կլինի համագործակցության այն ժամանակ, երբ պատրաստ լինի «առերեսվել իր պատմության հետ, երբ կարողանա առաջ շարժվել և կատարել այն պարտավորությունները, որ իր վրա է վերցրել, այն դեպքում կարող ենք համագործակցել: Իսկ միջազգային հանրությունը բազմիցս հայտարարել է, գնդակը գտնվում է Թուրքիայի դաշտում»:
Կարդացեք նաև
Տաթև ՀԱՐՈՒԹՅՈՒՆՅԱՆ
