Լրահոս
Օրվա լրահոսը

Հայաստանը առանձին տաղավարով մասնակցել է Վանում անցկացված զբոսաշրջային ցուցահանդեսին

Նոյեմբեր 20,2026 22:10 Share
Աջակցեք aravot.am-ին

Region Monitor. Թուրքիայի Վան քաղաքում անցկացվել է զբոսաշրջության և ճանապարհորդության ցուցահանդես, որին Հայաստանը մասնակցել է առանձին տաղավարով։

«Region Monitor»-ի փոխանցմամբ ցուցահանդեսի բացմանը Վանի առևտրաարդյունաբերական պալատի վարչության անդամ Թ. Ավջըն հատուկ ողջունել է Հայաստանի արդյունաբերողների և գործարարների միության պատվիրակությանը՝ նշելով, որ պալատը 2017 թվականից պարբերաբար գործարար այցեր է կազմակերպում Հայաստան։

«Մենք բազմիցս այցելել ենք Հայաստան և շատ լավ համագործակցություններ ենք ունեցել։ Հայաստանը մեզ համար շատ կարևոր է։»,- հայտարարել է Ավջըն։

Վանի տեղական լրատվամիջոցների փոխանցմամբ՝ Վանի զբոսաշրջության ոլորտի ներկայացուցիչների միությունը (VANTUDER) հայ մասնագետների համար կազմակերպել է նաև քառօրյա ծրագիր, որի շրջանակում նրանք ծանոթացել են քաղաքի պատմամշակութային ժառանգությանը, խոհանոցին և զբոսաշրջային հնարավորություններին։

Ծրագրի ընթացքում անցկացվել են գործարար հանդիպումներ՝ զբոսաշրջային հոսքերի ավելացման, համագործակցության ընդլայնման և նոր շուկաների ձևավորման հարցերի շուրջ։

«Հավատում ենք, որ Վանն իր տարածաշրջանային դիրքով և պատմական ժառանգությամբ կարող է Թուրքիայի ու Հայաստանի միջև զբոսաշրջության և առևտրի ամուր կամուրջ դառնալ՝ Անատոլիան կապելով Կովկասին»,- նշվել է VANTUDER-ի հայտարարության մեջ։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել