Արտուշ Հակոբյանի եւ մյուսների գործով, որը հայտնի է «Բանդայի գործ» անվամբ, մեղադրական դատավճռում որեւէ բառ չկար այս գործով երկար ժամանակ ամբաստանվող Քյարամ Ամոյանի մասին:
Դատախազի ճառում բառ չհնչեց Քյարամ Ամոյանի մասին:
Ամբաստանյալը դատաբժշկական-դատահոգեբուժական ստացիոնար փորձաքննությունից հետո, ասես, կորել էր:
Մինչդեռ, անցյալ ուրբաթ Քյարամ Ամոյանը ներկայացվել է Կենտրոն եւ Նորք-Մարաշ վարչական շրջանների ընդհանուր իրավասության դատարան:Դատավոր Մեսրոպ Մակյանի նախագահությամբ ընթացած նիստի ժամանակ Քյարամի մայրը ճանաչվել է ներկայացուցիչ, քանի որ որդին ինքնուրույն չի կարողանում կողմնորոշվել դատարանում:
Կարդացեք նաև
Հունվարի 30-ին դատարան է հրավիրվել փորձագետը՝ կապված Ամոյանի առողջականի հետ:
«Բանդայի գործով» անջատված մասով Ք.Ամոյանին մեղադրանք է առաջադրվել այն բանի համար, որ նա 2011թ. սեպտեմբերին անդամագրվել է անձանց նկատմամբ ավազակային հարձակումներ կատարելու նպատակով Արտուշ Հակոբյանի և Գուրգեն Հայրապետյանի կողմից ստեղծված և ղեկավարվող, ապօրինի կերպով ձեռք բերված հրազեն հանդիսացող զենքերով, մարտականի ձևափոխված հրազեն հանդիսացող ձայնագազային ատրճանակով: Ըստ մեղադրանքի, նա մասնակցել է 2011թ. սեպտեմբերի լույս 23-ի գիշերը բանդայի կողմից կատարվելիք ավազակային հարձակման նախապատրաստությանը:
